காதல் திருமணம் செய்த பெண் தற்கொலை.

ஓமலூர் அருகே உள்ள தொளசம்பட்டி ராஜவீதி பகுதியைச் சேர்ந்தவர் முனுசாமி. இவரது மகன் விக்னேஷ். கூலித்தொழிலாளி. இவரும், கிருஷ்ணகிரி மாவட்டம் போச்சம்பள்ளி அந்தேரிப்பட்டி பகுதியை சேர்ந்த கோமதி (வயது 26) என்பவரும் கடந்த 8 ஆண்டுகளுக்கு முன்பு காதலித்து திருமணம் செய்து கொண்டனர். இந்த தம்பதிக்கு பிரீத்திவி (6) என்ற மகளும், ஜனார்த்தனன் (5) என்ற மகனும் உள்ளனர்.

இந்தநிலையில் விக்னேஷ்க்கு மது குடிக்கும் பழக்கம் இருந்து வந்ததாக தெரிகிறது. இதனால் அவர் தினமும் மது குடித்து விட்டு வந்து கோமதியிடம் தகராறு செய்து வந்துள்ளார்.இதுகுறித்து கோமதி கனது தாயார்ரமணியிடம் போனில் அடிக்கடி தெரிவித்துள்ளார். இந்த நிலையில் நேற்று அதிகாலை கோமதி வீட்டில் தூக்குப்போட்டு தற்கொலை செய்து கொண்டார். இதுகுறித்து தொளசம்பட்டி போலீசுக்கு தகவல் தெரிவிக்கப்பட்டது. அதன் பேரில் போலீசார் சம்பவ இடத்துக்கு சென்று உடலை கைப்பற்றி மீட்டு பிரேத பரிசோதனைக்காக ஓமலூர் அரசு மருத்துவமனைக்கு அனுப்பி வைத்தனர். 

மேலும் இதுகுறித்து தகவல் அறிந்ததும் கோமதியின் பெற்றோர், உறவினர்கள் விரைந்து வந்து உடலை பார்த்து கதறி அழுதனர். மேலும் மகள் சந்தேகம் இருப்பதாகவும், இதுதொடர்பாக விசாரணை நடத்தி விக்னேஷ் மற்றும் அவரதுகுடும்பத்தினர் மீது உரிய நடவடிக்கை எடுக்க வேண்டும் என வலியுறுத்தி போராட்டத்தில் ஈடுபட்டனர்.